sikroad -online

السلام عليكم ورحمة الله وبركاته

هذا اول موضوع لي في المنتدى
ماعرفت وين احطه...مالقيت منتدى للالعاب الالكترونيه وقلت بحطه في البرامج
وان شاءالله ماكون مخالف القوانين



لعبة Silkroad لعبة مجانية من نوع MMORPG بصراحه من اقوى الالعاب المجانيه اللي لعبتها
من ناحية جرافك اللعبه ممتاز بالنسبه للعبه مجانيه ومن ناحية الجيم بلي سستم
احداث اللعبه تعرض احوال التجارة قديماّ بين الحضارات في العالم وطرق التجاره بينها
وسمية اللعبه بـ الطريق الحريري نسبة لطريق قديم كانو يستخدمونه للتجاره

تبدء بتعديل الشخصيه واختيار نوع الدرع والسلاح له...الدروع ثلاث انواع والاسلحه ثلاث انواع

الدروع:-

Armor:- هذا الدرع من النوع الثقيل يقلل من سرعة تحرك اللاعب ولكنه قوي جدا في صد الهجمات الجسمانيه
Germent:- هذا الدرع خفيف جدا ويزود سرعتك في الحركه لكنه ضعيف ضد الهجمات الجسمانيه ولكنه قوي ضد الهجمات السحريه Magic
Protector:- هذا الدرع هو نص نص يعني مابين النوعين اللي فوق

الاسلحه:-

Sword + Blade:- السرعه في الضربات ولكن قوة الضربه ضعيفه نوعاّ ما....ويسمح بلبس الدرع Shield
sword:- السيف قوي مع الضربات السحريه وضعيف بالضربات الجسمانيه
Blade:- عكس السيف ضعيف في الماجيك وقوي في الجسمانيه

النوع الثاني
Glavie+Spear هذي الاسلحه الثقيله وتمسكها بايدينك الثنتين ف ماتقدر تمسك الshield معها
ضرباتها بطيئه ولكنه ســـــــم في قوة الضربه
Glavie:- قوي في الضربات الجسمانيه وضعيف في الماجيك
Spear:- العكس

النوع الثالث
Bow:- القوس هذا النوع يسمونه Ranged وتقدر تقتل الوحش قبل لايوصلك

تبدء اللعبه بإنشاء شخصيه جديده لك وتكون طبعاّ في المستوى الاول او Level1
وتبدء تاخذ مهمات من الاشخاص اللي تلقاهم داخل المدن وتكمل المهمات وراح يعطونك جوائز مقابلها
وتبدء تقتل الوحوش خارج المدينه عشان تاخذ نقاط Exp وهي اختصار لكلمة نقاط خبره experience
وكل مستوى او Level له حد معين من نقاط الخبره اللي لازم تجمعها عشان توصل للمستوى اللي بعده
المهم تبدون تاخذون كل المهمات في المدينه وتطورون لاعبكم لين مايوصل الى المستوى 20
من بعد هالمتسوى 20 تبدء حلاوة اللعبه وهي اتاحة الفرصه لك باختيار احدى الاعمال المتوافرة في اللعبه
وهي كالآتي:-

صورة للتجار





التاجر:- مهنة التجاره مهنة مربحه جداّ وينصح بها فور وصولك الى المستوى20
التاجر يشتري التجاره يروح يشتري له ناقه او حصان ويحملهن بالبضائع
ويروح ياخذ تجارته للمدينه الثانيه ويبيعها بربح تصل نسبته 300 بالميه على ما اذكر
لكن طريق التجار مابين المدن مب سهل هني تطلع لكم المهنة الثانيه
============================

صورة للحرامي (معذبني)



حرامي: او انك بعد وصولك الى المستوى20 تكون حرامي وتسرق التجار
تاخذ الغنائم بعد قتل التاجر وتروح لمدينة الحراميه وتبيع البضاعه بنفس السعر
وطبعاّ التجاره تفرض حسب عدد النجوم كل مازاد عدد النجوم زادت ارباحك...انت وحظك
يفضل انك تطلع حرامي مع شلة شباب ولاتطلع بروحك اتبداّ..تحصلونهم ياكثرهم في المدن الرئيسيه
لكن الحرامي بعد شغلته مب سهله...تعال واسرق ومع السلامه !!! هني تطلع المهنه الاخيره الصياد

===========================

صورة للصياد مع التاجر



الصياد هو اللي يصيد الحراميه ويحمي التجار مقابل الذهب
يعني التاجر قبل لايطلع من المدينه يشوفله اي صياد ويتفاهمون على السعر الفلاني
ويطلعون رباعه ... يكون التاجر راكب الحصان والصياد وياه
=============================
اللعبه تعتمد اعتماد كلي على اللعب الجماعي...التجاره صعبه عليك وانت بلفل20
وحته شغلة الحرامي صعبه وانت بلفل20 ف لازم تكون لك صداقات مع اللاعبين مابين لفل1-20
عشان تطلعون مع بعض في التجاره او السرقه

=============================

او انك تفتح لك Guild نظام الجيلد هو انك تفتحه وتضيف كل اصدقائك
او حته لاعبين جدد معاكم في الجيلد وتقدرون تسوون تحالف مع جيلدات ثانيه
وتطلعون تجاره كبيره او تكونون حراميه

============================
وسائل النقل في اللعبه

التنقل السريع تقدر تاخذلك حصان وانت لفل 10 ومافوق
وكل ما ارتفع مستواك تقدر تاخذ حصان احسن واسرع

التاجر يقدر ياخذ

حصان:- يمشي بسرعه لكن حمولة البضاعه في الحصان قليله وبالتالي الارباح بتكون قليله...وقوة تحمله ضعيفه
يعني يموت بسرعه

الناقه ونعم:- حمار مكده حملها لين ماتقولك بس وقوة تحملها عالية جدا وماتموت بسرعه لكن مشكلتها بطيييييئه
بيخلص شعر راسك من كثر التنتيف من بطئها

الجاموس(وهل يخفى القمر) هذا عاد حمله لين راسه وخل الحرامي يضرب فيه للليل ومشكلته ابطئ


طبعاّ ف لفل20 تقدر تستعمل الحصان arabian camel فقط
الباقي لاصحاب المستويات العاليه


============================
طبعاّ يوم بتقتلون الوحوش بتنزل لكم اشياء منها مثل الذهب+دروع او اسلحه+واذا كنتو Super Lucky
بتنزل لكم دروع واسلحه مطوره يوصل سعرها فوق الـ5 ملاااين قطعه ذهبيه...قطعه تنطح قطعه
وتقدرون تبيعون الاغراض اللي تنزل لكم من الوحوش للمحلات الموجوده في اللعبه ولكن بيشتروها منكم بسعر تافهه
ف احسن شي انكم تفتحون محل شخصي وتبيعون اغراضكم بالسعر اللي تبونه وهذي صوره محلات اللاعبين



انت وذكائك وين تحط محلك...شوفلك مكان استراتيجي يمرون منه اغلب اللاعبين


وتقدر بعد تشتريلك ذيب يساعدك في الضرابه ضد الوحوش والحراميه

صورته



هذا صغير بعده...بس كل مازاد مستوى الذيب كل ماصار اقوى وكبر
تزود مستوى الذيب يوم تصيد الوحوش وتخليه يصيد وياك وبياخذ Exp

سعر الذيب 1,000,000

يعني اكرف كراف لين ماتيبه... الحمدلله خذته من زمان


كل ماترفع مستوى الشخصيه راح تاخذ 3 نقاط State point وتوزعها على HP/MP
لازم تحددون من الاول شو تبون تختارون HP او MP
موقع اللعبه للتسجيل + تحميل اللعبه Free4ever

www.silkroadonline.net

فيديو من موقع يوتيوب للعبه

اكــــــبر تجارة

تجارة ثانيه

على فكره ترى شي فرق عربيه في اللعبه

الامارات + مصر + الكويت

مادري اذا شي غيرهم

مصطلحات تستعمل في الالعاب

HP = Health Point
MP = Mana point
lvl or Lv = Level
Noob = مبتدئ


انا العب اللعبه ف سيرفر Aege Lv25
Name Quz
اذا تبون مساعده عطوني وسبر في اللعبه